ជាទូទៅ​ប៊ិច​ស៊ើបអង្កេត​ គេ​ច្រើន​ឃើញ​ក្នុង​ខ្សែភាពយន្ត ដែល​អ្នក​និពន្ធ​តម្រូវ​ឱ្យ​តួអង្គ​ប្រើប្រាស់​​ដើម្បី​ស៊ើបអង្កេត​រឿង​សម្ងាត់​ផ្សេងៗ។ យ៉ាងណាមិញ ឥឡូវ​នេះ​ប៊ិច​ប្រភេទ​នេះ​មិន​មាន​សម្រាប់​តែ​តួអង្គ​​​ក្នុង​រឿង​​ប៉ុណ្ណោះ​ទេ សូម្បី​តែ​មនុស្ស​ធម្មតា​​ក៏​អាច​ប្រើ​បាន​ដែរ។
ក្រុមហ៊ុន​លក់ និង​កុម្ម៉ង់​ទិញ​​ទំនិញ​តាម E-mail របស់​អាមេរិក​ឈ្មោះ Hammacher Schlemmer បាន​បង្កើត​ប៊ិច​ស៊ើបអង្កេត​ទំនើប​មួយ ដោយ​គ្រាន់​តែ​ឃើញ​ភ្លែត ច្បាស់​មាន​ចិត្ត​ចង់បាន​ភ្លាម។
ប៊ិច​ស៊េរី​ទំនើប​នេះ អាច​សរសេរ​បាន​ដូច​ប៊ិច​ធម្មតា ប៉ុន្តែ​ខុស​ត្រង់​​វា​អាច​ថត និង​ផ្ដិត​យក​រូបភាព ឬ​ឯកសារ​សំខាន់​នានា​បាន​តាម​រយៈ កាមេរ៉ា​ទំហំ ៥មេហ្គាភិកសែល។
ពេល​ថត​ហើយ​នោះ​ វា​នឹង​បញ្ជូន​ឯកសារ​ទាំង​នោះ​ទៅ​ផ្ទុក​​​ក្នុង Memory ទំហំ 1GB។ នៅ​ក្នុង​​ប៊ិច​មាន USB មួយ​សម្រាប់​​​ផ្ទេរ​ឯកសារ​ឬ​រូបភាព​ទៅ​កាន់ Device ដទៃ​ទៀត​បាន​សម្ងាត់។ ទោះបីជា​យ៉ាងណា​ប្រភព​មិន​បាន​បញ្ជាក់​ថា​ប៊ិច​​​សម្ងាត់​ខាងលើ​​មាន​ឈ្មោះ​អ្វី​នោះ​ទេ គ្រាន់តែ​ឱ្យ​ដឹង​ថា​តម្លៃ ១២៥​ដុល្លារ​អាមេរិក។
ចុច​ត្រង់​នេះ ដើម្បី​តាមដាន​ព័ត៌មាន​បច្ចេកវិទ្យា​ថ្មីៗ